Bandhan jo aaj hai kal vo khul jayenge

Pralaye ke kaale badal jald hi chatt jayenge

Jaisa beeta kal tha aane vala kal fir vaisa hoga

Sayyam rakh ache din fir se wapas aayenge

Fir se milenge haath fir se gale lagenge

Ek baar fir bache khuli hawa mein khelenge

Fir hoga vahi pehle sa aana jana

Waqt ke halat jald hi badal jayenge…… Sayyam rakh ache din fir se wapas aayenge

Fir na koi kahega ‘2 meter ka fasla rakho’

Fir na koi kahega ‘ghar ke bahar matt niklo’

Fir na hogi roz ‘aaj ke count’ ki baat

Bass kuch der aur, din ye bhi guzar jayenge…… Sayyam rakh ache din fir se wapas aayenge

Hawao mein ek baar fir rang bhar jayenge

Beete hue pal ke ehsas ek baar fir mudd ke aayenge

Aaj ke ye kisse kal ithihas bann jayenge

Sayyam rakh ache din fir se wapas aayenge………………