Ab kahani raja-rani ki koi sunata nahi

Kaha rehti hai pariyaan koi batata nahi

Bistar jagta rehta hai ab pehro raat bhar

Ab koi loori gaake sulata nahi………..

Aapke kandhe pe baith ke aasmaan chua tha,

Baho mein apni baadlo ko bhara tha,

Ek baar fir kandhe pe bitha lo papa,

Badal ab vo haath aata nahi……..

Aapke pao pe pao rakh ke

Milo dur ka faasla tae kar lete the hum

Zindagi ka safar ab lamba lagta hai papa

Koi kaathi pe chada ke ghumata nahi

Ruthte to manate the, rote the to hasate the

Kitne bahane karte the hum aap for bhi laad dikhate the

Itne khoobsurat the bachpan ke vo din

Koi gubbare aashao ke ab fulata nahi

Kaash koi vo bachpan ke din ek baar fir se lauta de

Papa jitna pyaar karte the ab utna pyar koi jatata nahi………