कालची शांतता समुद्राच्या हलक्या लाटेसारखी होती
पण आजची शांतता काखेत त्सुनामी घेऊन येतीये

कालची शांतता गुलाबाच्या पाकळ्यांसारखी होती
पण आजची शांतता देठावरच्या काट्यासारखी बोचतीये

कालची शांतता उबदार रजई सारखी होती
पण आजची शांतता ठिगळं पडलेल्या गोधडी सारखिये

कालची शांतता गवती चहा सारखी होती
पण आजची शांतता आजारपणातल्या औषधी काढ्यासारखीये

कालची शांतता मला वेडा म्हणणारी होती
पण आजची शांतता मला वेडा ठरवणारीये

कालची शांतता सचिनच्या शतकाचा आनंद देणारी होती
पण आजची शांतता त्याच्याच निवृत्तीच्या घोषणेसारखीये

– शुभम् कुलकर्णी